Дејгиди…Ако баба лажи, блог не лажи

И читам на Фејзбуков се оформила група за разбркување на скопските дрољи од градов. Комуникето од оваа група го пренесувам во целост, со сѐ латиничниот фонт (и без запирките), копи-паста од оригинал:

Ovaa grupa e oformena po inicijativa na edna mlada urbana devojka (Viktorija Janackovic) a podrzana od eden nejzin sogradjanin koja ima za cel da go podigne moralot kaj evtinite drolji od cela Makedonija,koi za samo edna pijacka i voznja po gradov od strana na domasnite mazjaci,pravat takvi cudni raboti da dragata Severina izgleda nevino kako kaludjerka.
Ve molime da se osvestite i prestanete, ne zaradi drugo,tuku zaradi toa da ne se sirat razni bolesti po gradov,ako ne ste spremni da go promenite vaseto ponasanje i vasiot nacin na zivot,soberete se site i masovno da se vratite od tamu od kaj sto se dosle.Vo sprotivno nasata grupa ke prezeme inicijativa da ve prodademe vo zapadnive zemji i so parite sto ke gi zememe za vas ke napravime ogromna proslava na gratskiot plostad. Blagodatam na razbiranjeto!

Da li drolijite mozat da si odat na selo ili nie gradski ribi treba da se sobereme da gi izbrkame? Aman vise breee od vas! Aman!

Од етичка гледна точка, оваа иницијатива, сакал неќел треба да ја подржиш. 

Но, ако гледаш од малку поширока, научно-социолошка, и економско-политичка гледна точка, последиците од евентуалниот масивен изгон или прогон на дрољите се далекусежни.

Прво, ако ги избркаш дрољите на село, ќе го загрозиш аграрот и аграрната реформа, а сите досегашни проекти на Ленче од А1 ќе паднат во вода. Кутрите наши професионални селани ќе немаат раат од придојдените дрољи кои како што се незаситни на-мајка, ќе им го уништат и посевот и жетвата. Нашите селани нема да можат да им понудат ништо повеќе за транспорт на кафе од кооперација до кооперација, освен нивните трактори (тие поимотните) или некаков избор од магарешко-коњската ергела, што секако ќе резултуира во тензии и масовно незадоволство. Порано или подоцна тензиите ќе нараснат до тој степен што пак ќе се крене некоја селска буна и ете ти беља. Пак дестабилизација на државата.

Второ, ако ги изгониш дрољите автоматски загрозуваш неколку битни економски гранки во државата, па ако тие паднат нашата и онака кревка економија може целосно да колабира. Ма после ни дотации ни инвестиции директно од државата не нѐ спасуваат. Прво ќе падне угостителската индустрија. Бројот на мужи што ќе одат по кафичи каде нема дрољи нагло ќе опадне. Кај нема мужи нема да доаѓаат ни девојки, и ете ти рецепт за пропаст на оваа индустрија. Претпоставувам дека по некое време откако ќе ја согледаат причинско-последично настанатата криза угостителите ќе излезат на протести пред Владата и со блокади на улици, ултимативно ќе бараат „Вратете ги дрољите!“. На кого му требаат вакви социјални тензии, прашувам јас. По угостителската веднага ќе почне да пропаѓа автомобилската индустрија, особено онаа престижната. Кој нормален ќе купува „бесна“ кола кога знае дека нема лесни дрољи низ градот кои можат да му се налепат. Никој нормален, секако. Консеквентно ќе страдаат и туризмот, продажбата на презервативни средства, соодветната трго-текстилна индустрија и ред редум. Кога на некој од овие што ја потегнала иницијативата ќе му избркаат родител од работа токму од овие причини допрва ќе види кои се последиците од тоа што го задробиле, ви велам јас.

Трето, замисли си политичко-граѓански компликации, ако овие дрољи оформат свое здружение и побараат свои права на уставен или не дај Боже во Стразбур. Каков резил ќе биде тоа за државата! Невиден. Пак ќе не има на CNN, и џабе што Милчо тука везе со неговите спотови, сѐ ќе падне во вода. Иако они се дрољи, нали, сепак не се глупи, ќе им текне ќе го земат Џанго, Шехтански и Љуман Нимани да ги застапуваат, па ќе побараат да се прошири на граѓанска основа дефинирањето на поимот „дроља“ и да се ослободи од неговото сексистичко интепретирање. Аргументирано ќе докажат дека „дроља“ може да биде и машко, па замисли што ќе биде тоа ако сепак се спроведе прогонот на дрољите. Партиите ќе се десеткуваат и целосно ќе пропаднат, пола медиуми, особено во машкиот дел, локалната самоуправа и ред редум, веќе знаете како оди октоподот.

Затоа, сума сумарум, ве молам најпатриотски во името на интересите на оваа наша држава, остајте ги дрољите на мира да не ја дестабилизираме и онака напатенава држава и овој народ.