Дејгиди…

По долг период истражувања и ископувања група археолози од Македонија успеа во реонот на Скопје да пронајде вреден археолошки локалитет. Се работи за наоѓалиште за кое се претпоставува дека  во подалечното минато било фабрика. Фабриките биле значаен сегмент од материјалната и духовната традиција на овдешните култури, додека денес тие се сметаат за наполно исчезнати.

Вредните археолози тврдат дека успеале да лоцираат неколку предмети, фигурини и друга орнаментика кои потврдуваат дека во рамките на оваа фабрика имало менза, стражарница, па дури гаража и разни игралишта на кои се рекреирале работниците во овие древни локалитети. Ова само ни потврдува колку цивилизациски биле развиени овие култури и колку нивното секојдневно живеење било високо организирано.

Значајноста на ова наоѓалиште и артефактите, кои археолозите тврдат дека ги пронашле, по своето значење можат да се споредат дури и со неолитските наоѓалишта на просторите на Македонија.

Експертите препорачуваат овие наоѓалишта по целосното нивно стручно обработување и заштита да бидат отворени за посета од страна на туристите, како домашните, така и странските кои би можеле да посетат едно вака раритетно историско место, т.е. фабрика на македонска почва.

Со почетокот на Светското првенство во фузбал, нашиот најомилен Јавен сервис паралелно започнува со нов спектакуларен квиз наречен „Наградно извршување“. За што се работи?

Во организација на познатиот квиз махер, госпон Ефтим Суперишка Гаштов, жири комисијата на квизот „Наградно извршување“ ќе ги извлекува среќните губитници и ќе им праќа свои eкипи кои ќе им одземаат телевизори, правосмукалки, мобилни, садопери, машини за перење ова или она, се до главната награда, одземање на домашниот автомобил!

Се е тоа супер, но морам веднаш да изтужибабам дека овој квиз е ПЛАГИЈАТ!

Се работи за грубо крадење на концептот на квизот за кој лиценца има сараевската „Топ листа на надреалисти“, кој се емитуваше на просториите на ексЈуга уште поодамната 90-91!

Ако не верувате, погледнете ги само снимките од овој оригинал на истиот квиз. Па кого вие ќе мафтате бе! Демек не се сеќаваме, а? Ма одма му пишувам на Џуро, има да падне тужба за авторски права, минимунг!!!

Од пред некое време (март 2010) и официјално „-.yu“ доменот е прогласен за мртов.

Што значи ова?

Ова значи дека Југославија официјално, службено и интернационално остана да живее само на две места:

(1) во референцата „Бивша југословенска република Македонија“;

(2) Судот за воени злосторства за бивша Југославија (ICTY);

Убаво друштво и само како белешка, од сите јужнословенски народи ние му останавме најверни на Тито.

Слика 1: Стоиш пред сендвичарница, Ромче ти приоѓа и ти вели: „Чичко дај пет денара?“.

Слика 2: Гледаш телевизија, водителот се врти кон тебе и ти упатува апел за донација на 100 денари со повик на даден телефонски број за итна операција на наше мало сограѓанче некаде во белиот свет.

Што ќе направиш?

Во првиот случај останува на твојот морал и човечки суд што ќе направиш. Препораката на „експертите“ и социјалните работници е да не им се даваат пари на питачињата затоа што со тоа го храниш и репродуцираш системот на експлоатација на малите питачиња од страна на повозрасните кои ги тераат на питачење, и кои, конечно, на крај од денот им ги собирале парите.

Во вториот случај, јас би си зел за слобода, да кажам дека нема разлика: со донирање на 100 денари го храниш и репродуцираш системот кој  ги експлоатира и заболените и хуманите и во кој „Големите“ здравствени институции (читај Здравствена индустрија) наплатуваат ненормално високи суми за своите услуги, а телефонските компании делкаат фини проценти од секоја донација (шифра ДДВ).

Кога, о да кога, кога ќе слушнеме дека некоја престижна установа хумано извршила бесплатно некоја операција и спасила живот?

Кога, о да кога, кога ќе слушнеме дека телефонска компанија се откажала од профитот на вакви донации и ги дала за болниот? О, да, ќе се појави информација дека донирале, во еден од 50 случаи, за некое дете, колку да го замаскираат својот нехуман профит во останатите 49 случаи.

Не велам дека човек не треба да биде хуман, туку само свесен во каков нездрав и експлоатирачки систем живее. Понекогаш се чувствувам како бебињата во оние капсули за црпење топлинска енергија во „Матрикс“ кои им даваат енергија на машините наречени компании, корпорации и државни апаратуси.

Да, навистина, кој стои зад речиси секојдневните грабежи на нашите банки? Нашиот истражувачки тим се вдаде во претресување на фактите и дојде до навистина шокантни сознанија.

Приказната влече свои корени уште од разрешувањето на екс-Министерот за финансии Славевски. Според нашите извори, блиски до кафеаната Жабарот , откако истиот дотичен госпон покажал слаби резултати за промоција и употреба на безготовинското плаќање, решено е тој да се повлече и од сенка да скове план којшто треба да ги смени работите.

Имено, осмислена е кампања, преку која граѓаните и корисниците ќе бидат одвратени од одење во банки, со што и ќе се намалело подогањето и плаќањето во готово. Преку серија на скоро секојдневни грабежи на банки, и менувачници, банкарското лоби се обидува да го охрабри користењето на картици и други средства за неготовинско плаќање, водени од идејата дека ако редиците не ги спречија граѓаните, ова секако ќе мора да ја дотолчи кешарицата.

Истите информации ги потврдуваат и нашите извори од другата страна, блиски до спортска медицина. Нашиот тим ќе остане да ги следи настаните околу оваа тема.

После неколку недели гледање Discovery на баба Ратка и здосадил овој канал. И она сфатила дека ни Discovery не е она што некогаш беше (и дојдоа преку глава досадните едни те исти епизоди на American Chopper, Extreme Explosions, a How’s Staff Made ги има гледано по 65 пати веќе), и се јавила во подршка на корисниците.

-Ало синко, баба Ратка овде, од село Троло.

-Добар ден бабе, кажете што може да направиме за вас?

-Синко, а бе ми здосади овој Дискавери, дајте нешто друго да ми пуштите?

-А што сакате бабе, што ве интересира?

-Синко, ме слушате, алоо..ало? Дајте ми некој канал за готвење нешто, јас тука сама да гледам и да готвам, сине, да ми помине денот побрзо.

-Аха, добро бабе, чекајте да видиме што имаме овде за избор…чекај, чекај, аха еве има некој Spice channel бабе, за зачини бабе било тоа, сакате тоа да ви пуштиме?

-За зачини? Ако, синко, ако, пуштете, пуштете. Сполај ви.

-Ајде бабе, пријатно и уживајте, тука сме ние за вас.